Зьміцер Рубашэўскі
пазыўны Ганс
25.12.1991-12.04.2022
Зьміцер Рубашэўскі нарадзіўся ў беларускім горадзе Берасце, а, пабраўшыся шлюбам, жыў з сям’ёй у вёсцы Шкло Яварыўскага раёна Львоўскай вобласці.
Яшчэ ў 2016 годзе ён далучыўся да барацьбы з акупантамі — ваяваў у складзе Добраахвотніцкага ўкраінскага корпусу «Правы сектар».
Пасля поўнамаштабнага расійскага ўварвання ва Украіну Зьміцер абараняў незалежнасць Украіны ў складзе 24-й асобнай механізаванай брыгады імя Данілы Галіцкага.
12 красавіка 2022 года падчас выканання баявой задачы ў Луганскай вобласці расійскія акупанты абарвалі жыццё Зьмітра. У яго засталіся маці Людміла, брат, жонка Галіна, дачушка Дарынка.
